Enrike böyükhesablı məğlubiyyətin heyfini jurnalistdən çıxdı

“Barselona” (İspaniya) Çempionlar Liqasının 1/8 final mərhələsinin ilk oyununda səfərdə PSJ-yə (Fransa) 4:0 hesabı ilə uduzub. Futbolxeber.az-ın məlumatına görə, matçdan sonra açıqlama verən Katoloniya təmislçisinin baş məşqçisi Luis Enrike məğlubiyyəti belə şərh edib: 

 

“Bu, faciəvi gecə idi. PSJ həm topla, həm də topsuz oyunda bizdən üstün idi. Qeydə alınan nəticə meydandakı oyunun göstəricisidir. İzah gətirmək mümkün deyil. Məğlubiyyətə görə məsuliyyəti mən daşıyıram. Bizdən birini günahkar kimi qələmə vermək istəyirsizsə, bu mənəm. Çünki futbolçularım əvvəlki oyunlarda qələbələr qazanmaqla, azarkeşlərə çox sevinc bəxş ediblər. Taktiki sxemi dəyişib, 4-3-3-dən 4-2-3-1-ə keçdik. Məqsəd Messinin topu daha çox qəbul etməsi idi. Lakin heç nə alınmadı. PSJ yüksək təzyiq göstərərək, bizə imkan vermədi. Bu gün açıq-aşkar zəif idik”.

 

Mütəxəssis mətbuat konfransının gedişində əsəblərini cilovlaya bilməyib və jurnalistə hücum çəkib. Buna səbəb TV3 kanalının əməkdaşı Xordi Qraunun taktika ilə bağlı verdiyi sual olub. Jurnalistin üstünə şığıyan Enrikenin qarşısını 3 nəfər güclə kəsib. O, “Mənə toxunmayın. Görərik, qələbə qazandığımız oyundan sonra da sən bu tonla danışacaqsan?” deyib. 

 

Qeyd edək ki, bu komandalar arasında cavab oyunu martın 8-də  keçiriləcək.