“Qalatasaray”da qapı problemi: 3-ü birdən

Türkiyənin nəhəng klublarından olan “Qalatasaray” heyəti ilə bağlı ciddi problemlə üzləşib.

 

Futbolxeber.az-ın məlumatına görə, Antalyada təlim-məşq toplanışında olan “sarı-qırmızılar”ın əsas komandasında yer alan 3 qapıçısı da zədələnib.İstanbul təmsilçisinin əsas qolkiperi Fernando Musleranın barmağı sınıb. Bu səbəbdən də uruqvaylı əlcək sahibi növbəti oyunlarda iştirak edə bilməyəcək. Komandanın ikinci qapıçısı Cenk Gönən əməliyyat olunduğu üçün məşqlərə davam edə bilmir. 3-cü qapıçı Eray İşçan isə məşq zamanı əzələsini dartıb.

 

Türkiyə mətbuatında yayılan məlumata görə, “Cim-Bom" aşağı yaş qruplarında çıxış edən qapıçılara ümid olub. Belə ki, “Qalatasray”ın 19 yaşadək futbolçulardan ibarət komandasının qolkiperi Ahmet Gül bu gün Antalaydakı toplanışa qoşulub. Ahmetdən əlavə komanda 17 yaşlı qolkiper Batuhan Şəni də əsas kollektivə çağırıb.