Ronaldo “Qızıl top”un təqdimetmə mərasiminə qatılmayacaq

Bu gün “Qızıl top” mükafatının 2016-cı ildəki qalibi müəyyənləşəcək. Dünyanın ən yaxşı futbolçusu adına Kriştianu Ronaldo, Lionel Messi və Antuan Qrizmann namizəddirlər.

Futbolxeber.az saytının “Mirror”a istinadən verdiyi məlumata görə, “Qızıl top”u qazanmağa ən real namizəd olan Ronaldo mükafatın təqdimetmə mərasiminə qatılmayacaq.

Belə ki, 31 yaşlı futbolçu bu gün səhər saatlarında tədbirin keçiriləcəyi Parisə deyil, “Real”al birgə Klublarası dünya çempionatında iştirak etmək üçün Yaponiyaya yollanıb.

Ehtimalla görə, qalib elan olunacaq Ronaldo ilə ya canlı bağlantı yaradılacaq, ya da əvvəldən hazırlanmış material efirə təqdim olunacaq.

İddialara əsasən, cümə axşamı artıq Ronaldonun qalib kimi fotosessiyası Madriddə həyata keçirilib. Ulduz futbolçunun yeni imicini - saçlarının qızılı rəngə boyanmasını da məhz bununla əlaqələndirirlər.

Xatırladaq ki, “Qızıl top”un sahibinin adı bu gün Bakı vaxtı ilə 23:00-da start götürəcək mərasimdə açıqlanacaq.