Lippi dünyanın ən yüksəködənişli məşqçisi oldu

Marçello Lippi Çin millisinin baş məşqçisi təyin edilib. Futbolxeber.az saytının məlumatına görə, 68 yaşlı mütəxəssisin bu ölkənin “Quançjou Everqrand” klubu ilə anlaşacağı gözlənilirdi. Lakin sonda italiyalı mütəxəssis Çin yığması ilə müqavilə imzalayıb.

Yeni iş yerində Lippi ildə 20 milyon avro qazanacaq. Bununla da o, dünyanın ən yüksəködənişli məşqçisi olub. Təcrübəli mütəxəssis ildə 17 milyon avro qazanan Xosep Qvardiola (“Mançester Siti”) və Joze Mourinyonu (“Mançester Yunayted”) qabaqlayıb.

Qeyd edək ki, Lippi daha əvvəl “Quançjou Everqrand”da çalışıb. Bu komanda ilə 3 dəfə ölkə çempionu olan italiyalı mütəxəssis, 2013-cü ildə Asiya Çempionlar Liqasının qalibi də olub.