“Biz yenidən əsl Balotellini görürük”

“Milan”ın baş məşqçisi komandasının üzvü Mario Balotellinin “Udineze” ilə görüşdəki çıxışını dəyərləndirib. Futbolxeber.az-ın məlumatına görə, serb mütəxəssis SuperMarionun əvvəlki formasını bərpa etdiyini bildirib: “Udineze” ilə oyunun ilk hissəsi əla alındı. Meydanda yalnız 1 komanda var idi. Fasilədə futbolçularıma dedim ki, görüş 45 yox, 90 dəqiqədən ibarətdir. Fasilədən sonra da əvvəlki kimi möhtəşəm oynamalıyıq. Lakin qapımızda qol gördükdən sonra futbolçularda həyəcan yarandı. Bu da birbaşa oyunumuza təsirini göstərdi. Balotelli oyunu əla keçirdi. O, topu özündə yaxşı saxlayır və bununla da rəqibi kobud oynamağa məcbur edirdi. Biz yenidən əsl Balotellini görürük. O, artıq rəqibin təxribatlarına uymur”.

Xatırladaq ki, “Udineze” - “Milan” görüşü qonaqlareın 3:2 hesablı qələbəsi ilə başa çatıb. Oyunda hesabı isə cərimə zərbəsindən vurduğu möhtəşəm qolla Mario Balotelli açıb.