"Maurinyo bu günə qədər birgə çalışdığım ən yaxşı məşqçidir"

"Çelsi"nin aparıcı üzvü Frenk Lempard sabiq baş məşqçisi Joze Maurinyonun yenidən London klubunu çalışdıracağı haqda yayılan xəbərlərə münasibət bildirib. Futbolxeber.az-ın məlumatına görə, Lempard Maurinyo ilə birgə böyük uğurlara imza atacaqlarına inandığını söyləyib: "Mən bu qayıdışın tərəfdarıyam. Əminliklə söyləyirəm ki, Maurinyo "Çelsi"yə qayıdacağı halda, əvvəlki qələbələrinin həsrətini çəkməyəcək. Biz Maurinyo ilə birgə daha böyük uğurlar ələ edəcəyik. Hələlik Maurinyonun "Çelsi"yə dönüşü rəsmiləşməsə də, mən bunu səbirsizliklə gözləyirəm.O  bu günə qədər birgə çalışdığım ən yaxşı məşqçidir".  

Xatırladaq ki, buna qədər Maurinyo 2004-07-ci illərdə "Çelsi"ni çalışdırıb.