Azərbaycanlı futbolçu: “20 yaşımdan sağlamlığımın qayğısına qalsaydım, daha böyük uğurlar qazanardım”

Moskva “Lokomotiv”inin və Rusiya millisinin üzvü, həmyerlimiz Aleksandr Səmədov maraqlı açıqlaması ilə diqqət çəkib. Futbolxeber.az-ın məlumatına görə, “Sport-Ekspress”ə müsahibəsində Səmədov gənc vaxtı sağlamlığının qayğısına qalmadığını bildirib: “16 yaşımdan sağlamlığımın qayğısına qalsaydım, hər şey başqa cür olardı. Heç 16 demirəm, 20 yaşımdan özümə fikir versəydim, daha böyük uğurlar qazanardım. Amma təəssüflənmirəm. Çünki karyeram pis alınmayıb. Qarşıda da uğurlar qazanacağıma inanıram. Keçmişə boylananda insan müəyyən səhvlər etdiyini görür. Yəqin ki, mənim yerimdə olan hər bir insan indi belə düşünərdi”.