“Dnepr”in baş məşqçisi: “Qarabağ”ın hesabı açdığını eşidəndə çox pis oldum”

“Əhvalımız yaxşıdır. Çox yaxşı komandaya qalib gəldik və mübarizəni davam etdiririk”. Futbolxeber.az-ın məlumatına görə, bu sözləri “Dnepr”in baş məşqçisi Miron Markeviç deyib.

“Qarabağ”ın yer aldığı qrupda ikinci pilləni tutan Ukrayna təmsilçisinin çalışdırıcısı “Sizə deyəndə ki, “Qarabağ” hesabı açıb. Hansı hissləri keçirdiniz” sualını belə cavablandırıb: “İlk əvvəl çox pis idi. Çünki biz üzərimizə düşəni etmişdik. Sonra biləndə ki, oyun heç-heçə başa çatıb, - özünüz emosiyalarımı başa düşürsüz. “İnter”in oyunçularına təşəkkür edirəm. Çünki Bakıdakı oyun onlar üçün əhəmiyyətsiz idi. Buna baxmayaraq, xarakter nümayiş etdirib uduzmadılar”.