DÇ-2014: Neymar bombardirlər yarışında zirvəni ələ keçirdi

DÇ-2014-ün növbəti oyunu çərçivəsində bu dəqiqələrdə Braziliya Kamerun millisi ilə üz-üzə gəlir. Futbolxeber.az-ın məlumatına görə, ilk 35 dəqiqədən sonra Braziliya millisi 2:1 hesabı ilə öndədir. Meydan sahiblərinin hər iki qolunu Neymar vurub. Bununla da Neymar bombardirlər yarışında zirvəni ələ keçirib. O, artıq mundialda 4 dəfə fərqlənib. Braziliyalı futbolçu mundialın açılış oyununda - Xorvatiyaya qarşı keçirilən görüşdə də dubl etmişdi.  

Qeyd edək ki, Neymarın ən yaxın izləyiciləri hərəyə 3 dəfə fərqlənən Tomas Müller (Almaniya), Robin Van Persi, Aryen Robben (hər ikisi Hollandiya), Kərim Benzema (Fransa) və Enner Valensiyadır (Ekvador).