“Qalatasaray”da Mançinini Zeedorf əvəzləyəcək?

Mövsümün sonunda “Qalatasaray”ın baş məşqçisi postunda dəyişiklik ediləcəyi barədə müzakirələr səngimir. Futbolxeber.az-ın məlumatına görə, növbəti belə bir iddia ilə “La Gazzetta dello Sport” çıxış edib. İtaliyalı həmkarlarımızın yazdığına inansaq, yayda “Qalatasaray”da Mançinini hazırda “Milan”ı çalışdıran Klarens Zeedorf əvəzləyəcək. İstanbul klubu 38 yaşlı mütəxəssisin xidmətində maraqlıdır və tezliklə danışıqlar start götürəcək.

Xatırladaq ki, Zeedorfun “Milan”da qalacağı bildirilsə də, veteran futbolçunun bu günlərdə “Sky” kanalına verdiyi müsahibədə səsləndirdiyi fikirlər klub rəhbərliyinin narazılığına səbəb olub və o mövsümü başa çatan kimi postundan uzaqlaşdırılacaq.