“Mançester Yunayted” Giqqzə görə Van Qalla razılığa gələ bilmir

“Mançester Yunayted” klubu ilə Hollandiya millisinin baş məşqçisi Lui Van Qal arasında aparılan danışıqlar yarımçıq dayandırıla bilər. Futbolxeber.az-ın “The Independent”ə istinadən verdiyi məlumata görə, holland mütəxəssis klub rəhbərliyi ilə 1 məsələdə heç cür razılaşa bilmir. Belə ki, “Mançester Yunayted” rəsmiləri hazırda komandanın müvəqqəti baş məşqçisi təyin olunan Rayan Giqqzin Van Qalın məşqçilər korpusunda yer almasını tələb edirlər. Lakin holland mütəxəssis bununla qətiyyən razılaşmır. Van Qal bildirir ki, öz köməkçiləri var və əlavə məşqçiyə ehtiyac duymur. Hələlik danışıqların necə yekunlaşacağı bəlli deyil.

Xatırladaq ki, daha əvvəl Van Qalın əsas köməkçisinin Patrik Kluyvert olacağı bildirilirdi.