Petr Çex “Atletiko”ya qarşı oynayacaq

“Çelsi”nin qapıçısı Petr Çex sabah Çempionlar Liqasının yarımfinal mərhələsinin cavab oyunu çərçivəsində “Atletiko”ya qarşı baş tutacaq matçda meydana çıxa biləcək. Futbolxeber.az-ın məlumatına görə, bu haqda təcrübəli qolkiperin özü açıqlama verib.

Xatırladaq ki, Çex bu komandalar arasında 1 həftə əvvəl Madriddə baş tutan oyunda zədələnmişdi.

“Çelsi”nin bugünkü məşqində “Liverpul”la oyunda meydana çıxamayan futbolçulardan Çexlə yanaşı, Con Terri, Eden Azar və Samuel Eto`O da iştirak edib. Adıçəkilən futbolçuların sabah meydana çıxacaqları ehtimal edilir.

Xatırladaq ki, “Çelsi” - “Atletiko” matçı sabah, Bakı vaxtıyla 23:45-də start götürəcək.