Qurban Qurbanov: “İstəyirik ki, bundan da böyük uğurlar qazanaq”

Azərbaycanın yunan-Roma güləşçisi Qurban Qurbanov (82 kq) 2-ci dəfə Avropa çempionu olmağından danışıb.

Futbolxeber.az saytının məlumatına görə, o, Azərbaycan Güləş Federasiyasının mətbuat xidmətinə açıqlamasında bu uğurlarla kifayətlənməyəcəyini deyib:

“İndiki keçid dövrümdə titulu qorumaq daha çətin oldu. Ötən il Avropa çempionu olduqdan sonra ardıcıl ağır zədələr aldım. Hər iki çempionluğum mənə əzizdir. Sözsüz, çempion kimi çıxış edəndə məsuliyyət daha çox olur. Həsrət Cəfərov bu gün 4-cü dəfə Avropa çempionu oldu. Əlbəttə, aramızda xoş bir rəqabət var. Biz də istəyirik ki, bundan da böyük uğurlar qazanaq. Özümü, Həsrəti, bütün komandanı təbrik edirəm”.