Naxçıvanda yeniyetmələr arasında cüdo yarışları keçiriləcək

Naxçıvan Olimpiya İdman Kompleksində cüdo üzrə region birinciliklərinə start veriləcək.

Futbolxeber.az saytının Azərbaycan Cüdo Federasiyasına istinadən verdiyi məlumata görə, aprelin 25-26-da keçiriləcək yarışlarda U-14 və U-17 yaş qrupları üzrə yeniyetmələr mübarizə aparacaqlar.

Naxçıvan Muxtar Respublikası bölgəsi üzrə təşkil olunacaq turnirlərdə ümumilikdə 92 cüdoçu tatamiyə çıxacaq.

Yarışların əsas məqsədi yeniyetmə idmançılar bazasını formalaşdırmaq və kvota əsasında ölkə birinciliyinə vəsiqə qazanacaq cüdoçuları müəyyənləşdirməkdir. U-17 kateqoriyası üzrə qeydə alınan nəticələr həmçinin millinin heyətinə seçim üçün vacib reytinq xalları qazandıracaq.