“Əminəm ki, Formula-1 yarışlarına qatılanlar Bakını çox sevəcəklər”

İtaliyanın bir sıra idman saytları 2016-cı ildə Formula-1 (F1) üzrə Avropa “Qran-pri” yarışlarının Azərbaycanda keçiriləcəyi barədə məqalələr yayıb. Futbolxeber.az-ın “Azərtac”a istinadən verdiyi məlumata görə, məqalələrdə “Formula-1” avtoyürüşləri üzrə dünya çempionatının rəhbəri Berni Ekklstounun fikirlərinə yer verilib: “Bakıda yarışlara hazırlıq prosesi, obyektlərin tikintisi sürətlə davam edir. Əminəm ki, yarışlara qatılanlar Bakını çox sevəcəklər”.

Bildirilir ki, son zamanlar Azərbaycan bir sıra önəmli tədbirlərə ev sahibliyi edir. Bu sırada ilk Avropa Oyunlarını xüsusi vurğulamaq lazımdır. Bu yarışları yüksək səviyyədə təşkil edən Azərbaycan güclü dövlət olduğunu bir daha dünyaya sübut etdi.