Del Mestre: “Bakı-2015” xoş hisslər bəxş etdi”

İtaliyanın çimərlik futbolu üzrə millisinin üzvü 32 yaşlı, təcrübəli Simone Del Mestre “Bakı-2015”in daha əvvəl iştirak etdiyi yarışlardan çox fərqli olduğunu bildirib. Futbolxeber.az-ın “Azərtac”a istinadən verdiyi məlumata görə, o deyib: “Daha əvvəl FİFA tərəfindən keçirilmiş iki Dünya Kubokunda iştirak etmək imkanı qazanmışam. Bu yaxınlarda isə üçüncü Dünya Kuboku yarışlarına qatılacağam. Lakin qeyd etməliyəm ki, “Bakı-2015”də digər idman tədbirlərindən daha fərqli atmosfer var idi. Bu Oyunlar mənə sözlə ifadə edə bilməyəcəyim dərəcədə xoş hisslər bəxş etdi. Atletlər Kəndində müxtəlif xalqları təmsil edən idmançılar ilə bir arada yaşamaq çox gözəl duyğu idi. Yarışın nəticələri ürəyimizcə oldu. Komandamız ilk Avropa Oyunlarının gümüş medalını qazanmaqla tarixə düşdü. Növbəti hədəfimiz Dünya Kuboku yarışlarında daha bir uğur qazanmaqdır”.