“Baku Fire” qış fasiləsinə zirvədə yollandı

Bu gün futzal üzrə Yüksək Liqada VIII turun oyunları keçirilib.

Futbolxeber.az saytının məlumatına görə, “Olimpik Star”da Bakı-Qroznı reysini yerinə yetirən Azərbaycan Hava Yollarına məxsus sərnişin təyyarəsinin Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar bir dəqiqəlik sükut elan olunub.

Son çempion “Araz-Naxçıvan” debütant “Şuşa” üzərində böyük hesablı qələbə qazanıb.

İkinci oyun daha məhsuldar olub. “Neftçi”nin heyətində Namiq Məmmədkərimov və Vahib Xocayev hərəyə 5 qol vurmaqla yadda qalıb.

Yüksək Liqada ilin son matçı liderin inamlı qələbəsi ilə başa çatıb və “Baku Fire” tarixində ilk dəfə qış fasiləsinə turnir cədvəlinin zirvəsində yollanıb.

Bu dəfə 4 qol vuran İaqo Henrique bombardirlər yarışında mövqeyini bir qədər yaxşılaşdırıb.

26 dekabr

“Araz-Naxçıvan” - “Şuşa” - 6:0

Qollar: Ülvi Əliyev, 3:01, Qüdrət Qasımzadə, 6:12, İmaməli Hüseynov, 14:28, Cauqie, 14:47, 31:37, Giovanny, 23:28

“Neftçi” İK - “Yasamal Bakı” - 18:1

Qollar: Namiq Məmmədkərimov, 0:35, 20:58, 29:12, 30:25, 35:47, Vahib Xocayev, 6:45, 7:56, 17:32, 36:03, 37:31, Mirzə Əmirov, 18:50, 39:35, Nüsrət Fərzəli, 21:16, 28:00, Sadegh Javid, 23:37, 31:23, Zöhrab Quluşev, 36:46 (ö/q), Adil İsmayılov, 38:35 // Xalid Səmədəov, 34:48

“Baku Fire” - U-19 (2:0) 9:1

Qollar: İaqo Henrique, 0:19, 26:02, 38:26, 39:25, Nurlan Mehdizadə, 12:43, 21:45, 22:08, Nihad İsmayılov, 35:06, Tofiq Əliyev, 38:10 // Ümid Qəhrəmanov, 36:29