“Kəpəz”in veteranı vəfat edib

Azərbaycan futbolunda ağır itki üz verib.

Futbolxeber.az saytının məlumatına görə, "Kəpəz"in veteran futbolçusu Mehman Hacıyev vəfat edib. Bu haqda Gəncə klubunun mətbuat xidməti məlumat yayıb.

52 yaşında gözlərini əbədi yuman M.Hacıyev "sarı-göylər"in tarixi uğurlarında böyük pay sahiblərindən biri olub. O, “Kəpəz”in heyətində iki dəfə Azərbaycan çempionu titulunu, eləcə də ölkə kubokunu qazanıb.

M.Hacıyev peşəkar futbolçu karyerasını başa vurduqdan sonra məşqçilik fəaliyyəti göstərib. O, öncə “Kəpəz”in əvəzedicilərdən ibarət kollektivində (2010-2013-cü illər), daha sonra isə əsas komandada çalışıb.

"Kəpəz" mərhumun əzizlərinə və yaxınlarına dərin hüznlə başsağlığı verib, onlara səbir diləyib.