Şahruddin Ronaldo və Mbappeni müqayisə etdi

Milli komandamızın qapıçısı Şahruddin Məhəmmədəliyev DÇ-2026-nın seçmə mərhəsində Fransaya 0:3 hesabı ilə uduzduqları oyundan sonra Kilian Mbappeni Kriştianu Ronaldo ilə müqayisə edib.

Futbolxeber.az saytının məlumatına görə, Rusiyanın “Чемпионат” portalına açıqlamasında o, iki ulduza qarşı fərqli vəziyyətlərdə oynadığını bildirib:

“Mbappe çox güclüdür. Televizorda onun sürəti meydanda olduğu qədər bilinmir. O, çox cəld və sürətlidir. Fransa və Portuqaliya milliləri demək olar ki, eyni səviyyədədir. Sadəcə fərq ondadır ki, mən Kriştianuya qarşı oynayanda o, artıq böyük bombardir idi. Mbappe isə hazırda ən yaxşı durumundadır”.

Xatırladaq ki, Şahruddin Məhəmmədəliyev millimizin heyətində Portuqaliyaya qarşı 2021-ci ilin martında oynayıb. Həmin matçda yığmamız Maksim Medvedvin avtoqolu sayəsində səfərdə rəqibinə 0:1 hesabı ilə uduzmuşdu.