“Qarabağ”ın rəqibləri müəyyənləşdi

UEFA Çempionlar Liqasının Liqa mərhələsinin püşkatma mərasimi keçirilib.

Futbolxeber.az saytının məlumatına görə, Monakoda keçirilən mərasimdə Azərbaycanı yarışda təmsil edən “Qarabağ”ın da 8 rəqibi müəyyənləşib. Ağdam təmsilçisi oyunlardan 4-nü evdə, 4-nü səfərdə keçirəcək.

Püşkün nəticəsinə əsasən “Qarabağ” "Çelsi" (İngiltərə), “Ayntraxt” (Frankfurt, Almaniya), “Ayaks” (Niderland) və “Kopenhagen”lə (Danimarka) evdə, "Liverpul" (İngiltərə), "Benfika" (Portuqaliya), "Napoli" (İtaliya) və "Atletik"lə (İspaniya) səfərdə qarşılaşacaq.

Qeyd edək ki, Çempionlar Liqasında ilk turun oyunları sentyabrın 16-18-də keçiriləcək. Oyunların təqvimi 30 avqustda açıqlanacaq.

Xatırladaq ki, “Qarabağ” tarixində ikinci dəfədir ÇL-in əsas mərhələsində iştirak edir.