Emin Mahmudov etdiyi jestdən danışdı: “Bu, dinlə bağlıdır”

“Neftçi”nin kapitanı Emin Mahmudov Polşada keçirilən təlim-məşq toplanışı zamanı “Hapoel”ə qarşı yoxlama oyununda qol vurduqdan sonra sol əlini havaya qaldıraraq jest etmişdi. Həmin vaxt futbolçunun qol sevinci sosial şəbəkələrdə maraqla qarşılanmış və hansı mənanı kəsb etməsi müzakirələrə səbəb olmuşdu.

Futbolxeber.az saytının məlumatına görə, təcrübəli yarımmüdafiəçi dünən “Şamaxı”ya qarşı keçirilən oyunda fərqləndikdən sonra da eyni hərəkəti təkrarladı.

Matçdan sonra jurnalistlərin suallarını cavablandıran E.Mahmudov jestinin hansı məna kəsb etdiyi barədə bunları deyib:

“Bu, dinlə bağlıdır. Bu jesti internetdə görmüşdüm və xoşuma gəlmişdi. Ona görə edirəm. Bu jesti edən futbolçular da var”.