“Turan Tovuz”ın hazırlıq planı müəyyənləşdi

“Turan Tovuz”un yay hazırlıq planı bəlli olub.

Futbolxeber.az saytının klubun mətbuat xidmətinə istinadən verdiyi məlumata görə, komanda iyulun 1-də “Hünər” təlim-məşq bazasında  çalışmalara start verəcək. Təlim-məşq toplanışının ilk hissəsini Bakıda keçəcək komanda iyulun 6-da Türkiyəyə yola düşəcək.

Ankaranın Qızılcahamam bölgəsindəki “Çam Otel”də məskunlaşacaq “Turan Tovuz” iyulun 19-dək məşqlərini burada davam etdirəcək.

Türkiyə toplanışının ikinci mərəhələsi isə Bolu bölgəsində həyata keçiriləcək. “Von Resort Abant” otelində məskunlaşacaq komandanın Bolu toplanışı 24 iyul-6 avqust tarixləri arasında baş tutacaq.

Baş məşqçi Kurban Berdıyev Türkiyə toplanışı çərçivəsində 4 yoxlama görüşündə komandanı sınaqdan keçirəcək.

Rəqiblərin kimliyi və oyunların tarixləri barədə əlavə məlumat veriləcək