“Neftçi” daha iki transferi rəsmiləşdirdi - ÖZƏL

Transfer çalışmalarını davam etdirən “Neftçi” daha iki keçidi rəsmiləşdirib.

Futbolxeber.az saytının əldə etdiyi məlumata görə, flaqman Murad Xaçayev və Elvin Bədəlovun transferini həll edib.

Tibbi müayinədən uğurla keçən adıçəkilən futbolçular artıq “ağ-qaralar”ın məşqlərinə də qatılırlar.

Xaçayev və Bədəlovun transferinin qarşıdakı saatlarda ictimaiyyətə açıqlanacağı gözlənilir.

Qeyd edək ki, bununla da “Neftçi”nin yeni mövsüm öncəsi heyətinə qatdığı futbolçuların sayı 4-ə çatıb. Samir Abasovun komandası daha əvvəl Sessi D’Almeyda və Luis Ortislə güclənib.