Elmar Baxşıyev: “Rəqibin oyununa baxıb xoşbəxtlik axtarmaq fikrində deyiləm”

“Maraqlı oyun alındı. Hər iki komanda oyunun dinamikasını artırmağa çalışırdı. Yaxşı rəqibə qarşı oynadıq. Komandam öz oyun stilindən əl çəkmək istəmirdi. Yaxşı hücumlar qururduq. Sadəcə olaraq son nöqtəni qoymaqda çətinlik çəkirdik. Mövsümün sonudur. İnanıram ki, komandam qarşıdakı matçlarda daha inamlı və əzmkar olaraq öz istəyinə çatacaq”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının 33-cü turunda “Sabah”la heç-heçə etdikləri (1:1) oyundan sonra deyib.

Daha sonra o, jurnalistlərin suallarını cavablandırıb:

- Dünən “Turan Tovuz”un uduzduğunu nəzərə alsaq, bugünkü 1 xalı “Araz-Naxçıvan” üçün qazanc saymaq olar?

- Rəqibin oyununa baxıb xoşbəxtlik axtarmaq fikrində deyiləm. Məni daha çox öz komandam düşündürür. Hər şeyi öz hesabımıza alındırmağa çalışacağıq.

- Hakim idarəçiliyi ilə bağlı fikriniz necədir?

- İstədiyim odur ki, oyunun tempi aşağı düşməsin. Hakimlər tempi düşürməsinlər.