Sxadadze: “Zaqataladan xarakterli futbolçular çıxıb”

“Öncə onu deyim ki, Zaqatala futbol şəhəridir. Hər dəfə bura gələndə mənə çox xoş olur. Zaqataladan çox sayda yaxşı, xarakterli futbolçular çıxıb.

Futbolxeber.az saytının məlumatına görə, bu sözləri “Qəbələ”nin baş məşqçisi Kaxaber Sxadadse I Liqanın 18-ci turunun “Zaqatala”ya qarşı bu gün keçirilən səfər oyunundan (1:1) sonra deyib.

Klubun mətbuat xidmətinə danışan gürcü mütəxəssis həmçinin deyib: “Matça gəlincə, qeyd etdiyim kimi, xarakterli futbolçuları olan komandaya qarşı oynadıq. Çətin olacağını bilirdik. Oyundan öncə də futbolçularıma rəqibin gücü, əzmkarlığı barədə məlumat vermişdim. Hesabda irəlidə olduğumuz vaxt fərqi daha da artıra bilərdik. Lakin bu, baş vermədi. Bir neçə dəqiqə ərzində 4 oyunçunu meydana buraxdıq. Bununla oyunun gedişində dəyişmək istəyirdik. Lakin nəticədə istəyimizə çata bilmədik və 1 xal qazanmaqla kifayətləndik. Buna baxmayaraq, oyunçularıma çox sağ ol deyirəm, hər biri meydanda əziyyət çəkdi”.