Konfrans Liqası: "Sabah" və "Zirə"nin potensial rəqibləri məlum oldu

UEFA Bu gün Konfrans Liqasında pley-off mərhələsinin püşkü atılıb.

Futbolxeber.az saytının məlumatına görə, tədbir İsveçrənin Nyon şəhərində təşkil olunan mərasimdə Azərbaycan təmsilçilərinin cütlərinin potensial rəqibləri də müəyyənləşib.

"Zirə" (Azərbaycan) üçüncü mərhələdə Xorvatiya "Osiyek"ini mübarizədən kənarlaşdırsa, pley-offda “Omoniya” (Kipr) - “Fehervar” (Macarıstan) cütünün qalibi ilə qarşılaşacaq.

"Sabah" (Azərbaycan) isə "Sent-Patriks"i 2 oyunun cəmində üstələyə bilsə, qrup mərhələsinə gedən yolda “Saburtalo” (Gürcüstan) - “Başakşəhər” (Türkiyə) cütünün qalibi ilə üz-üzə gələcək.

Qeyd edək ki, "Zirə" və "Sabah" 3-cü təsnifat mərhələsindəki ilk oyunlarını avqustun 8-də səfərdə, cavab görüşlərini isə avqustun 15-də evdə keçirəcəklər.