Millimizin müdafiəçisi “Araz-Naxçıvan”da

“Araz-Naxçıvan” növbəti transferini reallaşdırıb.

Futbolxeber.az saytının məlumatına görə, millimizin müdafiəçisi Bəxtiyar Həsənalızadə heyətə cəlb olunub.

Mərkəz müdafiəçisi ilə anlaşmanın müddəti 1 ildir.

Tibbi müayinədən uğurla keçən 31 yaşlı futbolçu artıq komandanın məşqlərinə qoşulub.

Ötən mövsümü Türkiyənin I Liqasında mübarizə aparan “Tuzlaspor”da keçirən Həsənalızadə peşəkar futbolçu karyerasına “Sumqayıt”da başlayıb, daha sonra “Zirə” və “Sabah”ın formasını geyinib. Müdafiəçi müxtəlif illərdə Azərbaycanın U-21 və əsas millisinə dəvət alıb.

Qeyd edək ki, “Araz-Naxçıvan” Bəxtiyara qədər Tərlan Əhmədli, Ürfan Abbasov, Ülvi İsgəndərli, Ömər Buludov, Turan Vəlizadə və Karlos Jatobanı heyətinə qatıb, Kristian Avram, Vadim Abdullayev, Nuno Rodriges, İqor Ribeyro, Vanderson Melo, Elçin Mustafayev, Vüsal Şabanov, Tuqay Əlizadə,  Ramin Nəsirli və Miço, Kuzmanoviçlə müqaviləni yeniləyib.