“Qəbələ” “Adanaspor”un hücumçusunu transfer etdi

“Qəbələ” növbəti transferini reallaşdırıb.

Futbolxeber.az saytına bu barədə klubun baş məşqçisi Elmar Baxşıyev məlumat verib.

Mütəxəssis qeyd edib ki, qanalı hücumçu Samuel Tetteh heyətə cəlb olunub.

Qeyd edək ki, 27 yaşlı hücumçu karyerasına vətənində başlayıb. Daha sonra Avstriyada legioner həyatı yaşayan Tetteh “Zalsburq”, “Lieferinq” və “LASK”da forma geyib. Ardınca ABŞ-a yollanan Tetteh 2020-ci ili icarə əsasında “Nyu-York Red Bulls”da, daha sonra isə “Sankt-Polten”də (Avstriya) keçirib. 2021-ci ildə o, “Adanspor”da transfer olunub. Burada 49 oyunda 11 dəfə fərqlənən qanalı hücumçu son olaraq icarə əsasında “Bandırmaspor”da çıxış edib - 12 oyun, 1 qol.

2015-ci ildə Qana millisində debüt edən “Qəbələ”nin yeni transferi 8 oyunda 1 dəfə fərqlənib.