De Byazinin köməkçisi: “Bu, Estoniya ilə oyunda bəhanə ola bilməz”

“Estoniya ilə oyunda mütləq qələbə qazanmalıyıq. Razıyam ki, bu məqam komandada müəyyən qədər təzyiq yarada bilər”.

Futbolxeber.az saytına müsahibəsində bu sözləri mlli komandamızın məşqçisi, Canni de Byazinin köməkçisi Arif Əsədov Avro-2024-ün seçmə mərhələsində Estoniyaya qarşı keçiriləcək oyun barədə danışarkən deyib.

Təcrübəli mütəxəssis rəqibin üstün olduğu məqamı da açıqlayıb: “Bizdə mövsümə yekun vurulsa da, Estoniyada hazırda çempionat davam edir. Bu baxımdan rəqib bizdən üstün ola bilər. Amma bu, bəhanə ola bilməz. Millimiz qarşıdakı matçda yalnız qələbəyə köklənib. İnanıram ki, seçmə mərhələnin ilk ev oyununda azarkeşlərimizi sevindirə biləcəyik”.