"Emin Mahmudov "Neftçi"nin təklifini qəbul etsə, ölkənin ən yüksək ödənişli futbolçusu olacaq"

"Emin Mahmudov gələcək karyerası ilə bağlı qərar qəbul etməyib. Bunu dəqiq deyirəm sizə".

Futbolxeber.az saytının məlumatına görə, bu sözləri "Neftçi"nin prezidenti Kamran Quliyev deyib.

O, kapitana yeni müqavilə təklif etdiklərini bildirib: "Onunla söhbətim olub. Kubokun finalından sonra qərarını verəcək. Söhbət tək maddiyyatla bağlı deyil. Əgər Emin "Neftçi"də qalsa, ölkədə ən çox maaş alan futbolçulardan birincisi olacaq, ən pis halda üçlükdə yer alacaq  Ona çox yaxşı təklif etmişik. Layiq olduğu təklifdir, haqq etdiyi. Son ilin performansı digər illərə nisbətən daha yaxşı idi. Emin Mahmudov Azərbaycanda tək "Neftçi"ni düşünür. Xaricə getməli olsa, sırf öz üçün yeni macəra olacaq. Dəqiq deyim ki, qərar verməyib".