“Neftçi” Müşahidə Şurasının iclası keçirilib

Bu gün “Neftçi” PFK-nın Müşahidə Şurasının növbəti iclası keçirilib.

Futbolxeber.az saytının klubun feysbuk səhifəsinə istinadən verdiyi məlumata görə, “Bakcell Arena”dakı “Türk Hava Yolları Lounge”da baş tutan iclasda əvvəlcə üzvlərə son 5 ildə görülən işlərlə bağlı hesabat verilib.

Daha sonra növbəti dövrlər üçün klubun ümumi strategiyası, investisiya planları, infrastrukturun layihələri, media və marketinqdə görüləcək işlər haqqında məlumat verilib.

İclasdan sonra Müşahidə Şurasının üzvləri A komanda ilə görüşüb və onlara sabah Premyer Liqanın XVI turu çərçivəsində keçiriləcək “Qarabağ” komandası ilə görüşdə uğurlar arzulayıblar.