Laurentsiu Regekampfdan qələbə şərhi

“Çox yaxşı matç oldu. Meydanda açıq oyun gedirdi. Hər iki komanda qalib gəlmək istəyirdi. Çox şadam ki, 3 xal qazandıq. Artıq önümüzə baxacağıq”.

Futbolxeber.az saytının məlumatına görə, bu sözləri “Neftçi”nin baş məşqçisi Laurentsiu Regekampf deyib.

Azərbaycan Premyer Liqasının XIV turunda “Qəbələ” üzərində qazanılan 2:0 hesablı qələbəni şərh edən rumın mütəxəssis matç ərzində rəqibin də qol şansları olduğunu vurğulayıb:

“Qələbədən sonra yalnız İsmayıl Zülfüqarlı haqda danışmaq istəməzdim. Düşünürəm ki, bu gün bütün komanda yaxşı oynadı. Lakin futboçularımız qol epizodlarında daha konsentrasiyalı olmalıdırlar. Bu gün “Qəbələ”nin də 2-3 real qol epizdu var idi. Amma həmin şanslardan yararlana bolmədilər”.

“Neftçi”nin çalışdırıcısı matçın gedişində zədələnərək meydanı vaxtından əvvəl tərk edən Mamadu Mbodjun durumu barədə məlumatsız olduğunu söləyib: “Bir qədər gözlənək lazımdı”.