Mahmud Qurbanov: “Hücumda heç nə alınmır”

“Məğlub olmağımızın səbəbləri çoxdur. Çalışırıq ki səhvləri aradan qaldıraq”.

Futbolxeber.az saytının məlumatına görə, bunu “Səbail”in baş məşqçisi Mahmud Qurbanov Azərbaycan Premyer Liqasının XIV turunda “Sabah”a uduzduqları (0:1) oyundan sonra deyib.

Qurbanov “CBC Sport”a açıqlamasında komandasının məğlubiyyətlərinin başlıca səbəbini açıqlayıb: “

“Hücumda heç nə alınmır. Zədəli olan iki aparıcı ön xətt oyunçumuz Ağabala Ramazanov və Ruslan Hüseynovun yerləri görsənir. Son turlar uduzmağımızın ən başlıca səbəbi budur. Onların yoxluğunda xal yığmaq, qalib gəlmək şansımız elə də çox olmur. Amma təslim olmaq fikrində deyilik. Çalışacağıq ki, qarşıdakı oyunlarda problemi həll edək”.

“Səbail”in çalışdırıcısı çempionatda yaranan fasilənin komandasına müsbət təsir edəcəyini bildirib: “İnanıram ki, fasilə xeyrimizə olacaq və növbəti tura qədər zədəlilərimiz sıraya dönəcək”.