“Kəpəz”in 70-ci böyükhesablı qələbəsi

“Kəpəz” mövsümdə ilk böyükhesablı qələbəsini qazanıb. Gəncə təmsilçisi Premyer Liqanın XII turunda “Səbail”i 3:0 hesabı ilə məğlub edib.

Futbolxeber.az-ın Peşəkar Futbol Liqasının saytına istinadən verdiyi məlumata görə, bu, klub tarixinə ölkə çempionatının yüksək dəstəsində əldə olunan 70-ci böyükhesablı ev qələbəsi kimi düşüb. Öz meydanında üç və ya daha çox top fərqi ilə qazanılan qələbə sayında “Kəpəz” yalnız “Neftçi” ilə “Qarabağ”dan geri qalır.

Gəncəlilər bunadək evdəki sonuncu belə qələbəsini 2016-cı il yanvarın 30-da “Qəbələ” ilə görüşdə bayram edib - 3:0.

Qeyd edək ki, “Kəpəz”in Gəncədəki ilk böyükhesablı qələbəsi 1992-ci il mayın 11-də “Avey”lə görüşdə qeydə alınıb - 4:0.