“Qarabağ” zirvəyə şərik oldu

Azərbaycan Premyer Liqasında 17-ci turun oyunları keçirilib.

Futbolxeber.az saytının məlumatına görə, günün ilk oyununda “Qəbələ” öz meydanında “Sumqayıt”ı qəbul edib. Matçın taleyini 1 qol həll edib. İkinci hissədə rəqib qapısına yol tapan “Qəbələ” 3 xal qazanıb.

Lider “Neftçi” səfərdə “Zirə”nin qonağı olub. Bu görüşün də taleyini 1 qol həll edib. Volkovun yeganə qolu “Neftçi”nin məğlubiyyətinə səbəb olub.

"Keşlə" səfərdə "Sabah"la üz-üzə gəlib. Qonaqlar qələbə yaxın olsalar da, matçın sonlarında “Sabah” yenilgidən qaça bilib. Turun son matçında “Qarabağ” “Səbail”i sınağa çəkib. Romeronun qolu Ağdam klubuna qələbə gətirib. Qazanılan 3 xal sayəsində “Qarabağ” turnir cədvəlində “Neftçi”yə çatıb. Lakin Qurban Qurbanovun komandası şəxsi oyunlardakı nəticələrə görə ikinci pillədə qərarlaşıb.

Azərbaycan Premyer Liqası

XVII tur

25 fevral

“Qarabağ” - “Səbail” 1:0

Qol: Xayme Romero, 72

Hakimlər: Rauf Cabarov, Elşad Abdullayev, Cavanşir Yusifov, Rəhim Həsənov

“Azersun Arena”

“Sabah” - “Keşlə” 1:1

Qollar: Şəhriyar Əliyev, 79 (0:1), Fofana Tiemoko, 90+1 (1:1)

Hakimlər: Vüqar Həsənli, Pərvin Talıbov, Cəmil Quliyev, Elçin Məsiyev

“Bank Respublika Arena”

“Zirə” - “Neftçi” 1:0

Qol: Davit Volkov, 67

Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı

Zirə İdman Kompleksinin stadionu

“Qəbələ” - “Sumqayıt” 1:0

Qol: Ceyms Adeniyi, 50

Hakimlər: Səbuhi Bayramov, Eyyub İbrahimov, Nahid Əliyev, Rauf Allahverdiyev

Qəbələ şəhər stadionu

Bombardirlər: Mahir Emreli ("Qarabağ") - 11 qol, Namiq Ələsgərov ("Neftçi") - 10 qol, Davit Volkov ("Zirə") - 8 qol, Filip Ozobiç ("Qarabağ"), Əli Qurbani ("Sumqayıt") - 7 qol