Millimiz FİFA reytinqində neçəncidir?

FİFA milli komandaların yeni reytinq siyahısını açıqlayıb.

Futbolxeber.az saytının məlumatına görə, ötən ayla müqayisədə Azərbaycan millisinin mövqeyində dəyişlik olmayıb. Yığmamız 1177 reytinq xalı ilə sıralamda 114-cü pillədə qərarlaşıb.

Digər komandaların mövqeyində də dəyişiklik olmayıb ki, bu da koronavirus pandemiyasına görə beynəlxalq turnirlərin, oyunların keçirilməməsi ilə əlaqədardır.

Qeyd edək ki, dünya reytinqinə Belçika (1765) başçılıq edir. Fransa (1733) ikincidir. İlk “üçlüy”ü isə Braziliya (1712) qapayır. İlk “onluq”da həmçinin, İngiltərə (1661), Uruqvay (1645), Xorvatiya (1642), Portuqaliya (1639), İspaniya (1636), Argentina (1623) və Kolumbiya (1622) milliləri yer alıb.

Millətlər Liqasında yığmamızın rəqiblərindən Monteneqro 64-cü (1365), Kipri 95-ci (1251), Lüksemburq isə 98-ci 1236) pillədə qərarlaşıb.