AFFA “A” buraxılışına görə 3 klubu cərimələdi

Bu gün AFFA İntizam Komitəsinin iclası keçirilib.

Futbolxeber.az-ın assosiasiyanın rəsmi saytına istinadən verdiyi məlumata görə, 14 sentyabr 2019-cu il, 2019/2020 mövsümündə, XXVIII Premyer Liqanın IV turunun “Sumqayıt” - “Zirə” matçında hər iki klubun bəzi rəsmiləri “A” buraxılışından istifadə etmədiyinə görə tərəflər 800 manat cərimə olunub.

Eyni cəzaya “Qarabağ” da məruz qalıb. Belə ki, Ağdam klubunun da rəsmi şəxsləri XXVIII Premyer Liqanın IV turunun “Neftçi” ilə matçında “A” buraxılışından istifadə etməyiblər.

14 sentyabr 2019-cu il, 2019/2020 mövsümündə, XXVIII Premyer Liqanın IV turunun “Sabah” - “Qəbələ” matçında “Sabah” və “Qəbələ” klublarının 4 futbolçusu sarı vərəqə ilə cəzalandığı üçün hər iki klub 800 manat cərimə olunub.

15 sentyabr 2019-cu il, 2019/2020 mövsümündə, XXVIII Premyer Liqanın IV turunun “Keşlə” – “Səbail” matçında “Keşlə” və “Səbail” klubunun 4 futbolçusu sarı vərəqə ilə cəzalandığı üçün hər iki klub 800 manat cərimə olunub.