“Sumqayıt”ın məşqçisi: “Təkrarda gördüm ki, əllə oyun var idi”

Azərbayan Premyer Liqasının IV turu çərçivəsində doğma “divarlar arası”nda “Zirə”yə 1:2 hesabı ilə uduzan “Sumqayıt”ın məşqçisi Elnur Çodarov mətbuat konfransı keçirib. Futbolxeber.az saytının sport24.az-a istinadən verdiyi məlumata görə, mütəxəssis əvvəlcə oyun haqda fikirlərini bölüşüb.

- İlk yarıya pis başladıq. Bunun nəticəsi kimi qapımızda qol gördük. Ancaq tədricən toparlandıq və fasiləyədək hesabı bərabərləşdirdik. İkinci hissədə daha yaxşı oynadıq. “Zirə” kimi komandayla oyunda 2 dəfə 100 faizli imkanı qaçırırsansa, bunun acısını çəkirsən.

- İkinci qolda Tiqrudja əllə oynadı...

- Həmin anı görmədim. Amma oyundan sonra təkrarda gördüm ki, əllə oyun var idi.

- Sərtan Taşkını böyük ümidlərlə transfer etsəniz də, ikinci oyundu ki, tempə tab gətirmir. Problem nədədi?

- Doğru qeyd edirsiniz. Onun şəxsi həyatında müəyyən problemlər var. İnanırıq ki, hər şey qaydasına düşəcək.