"Proqress"ə qarşı bizi asan oyun gözləmir"

“Qəbələ”nin yarımmüdafiəçisi Sabien Lilay Futbolxeber.az saytına açıqlama verib.

Albaniyalı futbolçu Avropa Liqasının birinci təsnifat mərhələsində qarşılaşacaqları “Proqress”lə görüş haqda danışıb: “Lüksemburq komandası olduğundan bəlkə də bəziləri zəif komanda olduğunu düşünə bilər. Amma indi hər bir komanda futbol oynamağı bacarır.

Bütün komandalar meydanda maksimumu qoyub nəticə qazanmağa çalışır. “Proqress”ə qarşı bizi asan oyun gözləmir. “Qəbələ” də güclü komandadı. Sloveniyada hər gün məşq edirdik. Rəqibi analiz etmişik, bu oyuna hazırlaşmışıq. Ümid edirəm ki, yaxşı nəticə qazanacağıq”.