Bandoviç: "Bakı"nın yoxluğu Azərbaycan futbolu üçün mənfi haldı"

Vaxtilə “Bakı”da baş məşqçi kimi çalışmış Boşko Bandoviç hazırda Taylandın ən güclü klublarından olan “Buriram Yunayted”i çalışdırır.

Futbolxeber.az saytına açıqlama verən serb mütəxəssis “Bakı”dakı vaxtlarını xatırlayıb:

“Bakı”nın hazırda Premyer Liqada olmaması, fəaliyyət göstərməməsi Azərbaycan futbolu üçün mənfi haldı. Yəqin ki, klubda işlər qaydasında getməyib deyə belə olub. Yadıma gəlir, çox yaxşı komandamız var idi. Heyf ki, “Bakı” kimi komanda hazırda Premyer Liqada yoxdu”.

Təcrübəli mütəxəssis “Qarabağ”ın uğurları haqda da fikirlərini bölüşüb: “Qarabağ” Azərbaycanda ən yaxşı klubdu. Çünki onlar bir məşqçi seçdilər və ona inanmağa davam edirlər, dəstək olurlar. Qurban Qurbanov da çox yaxşı məşqçi olduğunu göstərir. Əgər baş məşqçiyə inanırsınızsa, demək hər şey yaxşı olacaq. “Qarabağ” yaxşı komandadı, uğurlu nəticələr davam edəcək”.