“Bakı” yarımfinala yaxınlaşdı

Həvəskar Liqasında 1/4 final mərhələsinə start verilib.

Futbolxeber.az saytının məlumatına görə, ölkə çempionatının favoritlərindən olan “Bakı” və “Binə” birincilərin meydanında üz-üzə gəlib.

“Bakı” Futbol Klubunun təlim-məşq bazasında keçirilən qarşılaşma “zolaqlılar”ın 2:0 hesablı qələbəsi ilə başa çatıb. İlk yarıda 2 qol vuran Qəhrəman Əliyevin komandası bu qələbə sayəsində yarımfinala yaxinlasib.

Qeyd edək ki, bu komandalar arasında cavab oyunu iyulun 5-də Binədə keçiriləcək.