AFFA Renat Dadaşovu böyük məbləğ qarşılığında milliləşdirib

Azərbaycan millisində çıxış etməyi yenicə qəbul edən futbolçu Renat Dadaşovla bağlı qalmaqallı iddia ortaya atılıb. Futbolxeber.az saytının məlumatına görə, informasiyanı Almaniyanın məşhur “Bild” nəşri yayıb.

 

Mənbə bildirilir ki, “Ayntraxt” (Frankfurt) klubunun gənc hücumçusu böyük pullar qarşılığında millimizdə oynamağa razılıq verib: “Renat Dadaşov kimi futbolçunun Azərbaycan millisini seçməsi qəribədir. O, 17 yaşlı istedadlı futbolçudur, Almaniyada daha parlaq karyerası ola bilərdi. Çünki o, Almaniyanın 17 yaşlılardan ibarət millisində uğurlu çıxış edirdi, özünü yaxşı tərəfdən göstərə bilmişdi. Onun Azərbaycan millisini seçməsində pul böyük rol oynayıb. O, 1 milyon dollar və ev qarşılığında Azərbaycan millisini seçib. “Leyptsiq”da ayına 2500 avro alan futbolçu böyük pullar qazanmaq üçün Azərbaycan millisində oynamağa razılıq verib”.

 

Qeyd edək ki, Dadağovun DÇ-2018-in seçmə mərhələsində sabah baş tutacaq Azərbaycan – Almaniya oyununda millimizin heyətində debüt edəcəyi gözlənilir.