Statistika “Qəbələ”nin tərəfindədi: Kulbakovun idarə etdiyi oyunlarda “Maribor” qola həsrətdi

Avroliqanın pley-off mərhələsi çərçivəsində keçiriləcək “Qəbələ” - “Maribor” oyununu belaruslu Aleksey Kulbakov idarə edəcək. Futbolxeber.az saytının məlumatına görə, 37 yaşlı belaruslu 2005-ci ildə FIFA referisi adını daşıyır.

Buna qədər Kulbakov 1 dəfə yığmamızın, 1 dəfə də “Qarabağ”ın oyununu idarə edib. 2011-ci ilin 10 avqustunda yığmamız belaruslunun baş hakim olduğu yoxlama oyununda Makedoniyaya 0:1 hesabı ilə uduzub. 2014-cü ilin 2 oktyabrında Avroliqanın qrup mərhələsində baş tutan “İnter” - “Qarabağ” görüşünü də Kulbakov idarə edib. Həmin görüş Ağdam klubunun 0:2 hesablı yenilgisi ilə tamamlanıb.

Belaruslu referi 2 dəfə “Maribor”un görüşlərində baş hakim olub. Bu oyunlarda qol vura bilməyən Sloveniya klubu qələbəyə həsrət qalıb. 2012-ci ilin 6 avqustunda Çempionlar Liqasının III təsnifat mərhələsində keçirlən “Maribor” - APOEL görüşündə qapılara qol vurulmayıb. 2009-ci ilin 27 avqustunda keçirilən “Sparta” - “Maribor” oyunu isə Praqa klubunun 1:0 hesablı qələbəsi ilə tamamlanıb.

Onu da qeyd edək ki, "Qəbələ" - "Maribor" matçının dördüncü hakimi Denis Şerbakovdur. Bu referi "Qəbələ" - "Samtredia" görüşündə (5:1) baş hakim olub.