Ebah: “Növbəti görüşlərdə qol vuracağıma inanıram”

“Havanın isti olması oyunumuza təsir etdi. Təbii ki, belə havada meydana çıxmaq istəməzdik. Çətinliklə üzləşdik. Futbolçuların hərəkəti üçün şərait yox idi. Hava şəraiti oyuna böyük təsir göstərdi”. Futbolxeber.az saytına açıqlamasında bu sözləri “Kəpəz”in hücumçusu Julien Ebah deyib.

Topaz Premyer Liqasının ikinci turunda AZAL-la qolsuz bərabərliyə qaldıqları görüş barədə danışan kamerunlu forvard, bir müddətdir qol vura bilməməsinə də toxunub: “Futbolda belə hallar olur. AZAL-la oyunda bəzi ötürmələr mənə ünvanlanmırdı. Bu dövrü keçdikdən sonra qollar vuracağam. Dayanmadan işləməyə davam edirəm. Mövsüm uzundu. Zamanla daha yaxşı çıxış edəcəyik. Növbəti görüşlərdə qol vuracağıma, ümidləri doğruldacağıma inanıram”.