“İnanıram ki, azarkeşlərimizin dəstəyi ilə “Göteborq”u üstələyəcəyik”

“Sumqayıt”la oyunda qələbə bizim üçün çox vacib idi. Çünki ilk turda “İnter”ə uduzmuşduq. Buna görə də “Sumqayıt”la görüşdə məqsədimiz yalnız qələbə idi. Sevinirəm ki, istəyimizə çatdıq”. Futbolxeber.az saytına açıqlamasında bu sözləri “Qarabağ”ın üzvü Qara Qarayev deyib.

Yarımmüdafiəçi Avroliqanın pley-off mərhələsində “Göteborq”a qarşı keçirəcəkləri oyundan da söz açıb: “Göteborq”un məşqçisinin oyunu izlədiyimizi sonradan bildim. Lakin bu, ciddi əhəmiyyət kəsb etmir. Onsuz da indi texnologiya inkişaf edib. İstənilən komanda haqda məlumat toplamaq çətin deyil. İnanıram ki, azarkeşlərimizin dəstəyi ilə “Göteborq”u üstələyəcəyik. Məqsədimiz azarkeşlərimizi sevindirməkdir”.