“Kəpəz”in müdafiəçisi zədələndi

“Kəpəz”in futbolçusu Azad Kərimov zədələnib. Futbolxeber.az saytının məlumatına görə, gənc müdafiəçi dünən “sarı-göylər”in AZAL-la oyun öncəsi Gəncədə keçirilən məşqində sıradan çıxıb. Klubun tibb personalının həkimi Şıxəli Həsənovun kapazpfc.az saytına verdiyi məlumata görə, futbolçunun baldır ayaq oynağı, eyni zamanda vətər və bağları dartılıb. Kərimova ilkin tibbi yardım göstərilib, onun vəziyyətinə təkrar müayinədən sonra aydınlıq gələcək.