“Qarabağ”ın 2 azarkeşi Sumqayıtda polis bölməsinə aparıldı ÖZƏL

Az sonra Premyer Liqada ikinci turun açılış oyununda “Sumqayıt” və “Qarabağ” üz-üzə gələcək. Futbolxeber.az saytının hazırda Sumqayıtda olan əməkdaşının verdiyi məlumata görə, matçdan öncə “Qarabağ” “İmarət” fan-klubunun 2 üzvü polis bölməsinə aparılıb. Ağdam klubunun azarkeşləri bildiriblər ki, 2 hər iki fanat “Sumqayıt” klubunun əleyhinə şüarlar səsləndirdikləri üçün saxlanılıblar. Polislər isə azarkeşlərin nalayiq ifadələr işlətdiklərinə görə polis bölməsinə aparıldıqlarını, ifadələri alındıqdan sonra sərbəst buraxılacaqlarını vurğulayıblar.