“Hakim haqda danışıb, cəza almaq istəmirəm”

“Sumqayıt”ın baş məşqçisi Samir Abbasov Premyer Liqanın XX turunda “Zirə”yə uduzduqları oyunu şərh edib. Futbolxeber.az-ın məlumatına görə, o deyib: “Məğlubiyyətin səbəbini isti başla deyə bilmərəm. Oyun başlayan kimi komanda özünü itirdi, qol buraxdıq. 10 nəfər qalanda da uşaqlar oynadılar. Emin Mehdiyevin qırmızı vərəqə almasına gəlincə, bilmirəm nəyə görə belə oldu. Hakim haqda danışıb, cəza almaq istəmirəm. Ancaq bir Allahı, bir də özü bilər. Düşünürəm ki, hakimin cavabını azarkeşlər özləri verdi. Emini dəyişməyə oyunçu yox idi. Oyundan sonra da hakimlə qırmızı vərəqəyə görə mübahisə edirdim. Referi "qırmızı"nın olduğunu bildirdi".