"Əvəzetmələrlə oyunu bərabərləşdirmək istəsək də, alınmadı"

“Rəqib ilk hissədə oyuna nəzarət edirdi, lakin yüksək temp, sürətli ötürmələr yox idi. Qol vurana qədər bir-iki epizod yarada bildik". Futbolxeber.az-ın məlumatına görə, bu sözləri "Sumqayıt"la oyundan sonra "Turan"ın baş məşçqisi Əfqan Talıbov deyib. Talıbov qeyd edib ki, ikinci hissədə rəqib pressinq tətbiq edib: "Xoşbəxtlikdən qolu tez vurduq, ardı da gəldi. İlk hissənin sonu göstərdi ki, ikinci hissədə “Sumqayıt” daha üstün oynayacaq. İkinci hissədə rəqib mərkəzdə pressinq tətbiq etdi, oyuna nəzarət etdi, istədiyi qolu vurdu. Əvəzetmələrlə oyunu bərabərləşdirmək istəsək də, alınmadı. Rəqib azlıqda qalandan sonra isə Ballo təkbətək epizodda fərqi artıra bilərdi”.