Dani Kintana rəsmən "Qarabağ"da

Bu gün "Qarabağ" 2015-ci ildə ilk transferini reallaşdırıb. Futbolxeber.az-ın məlumatına görə, Ağdam klubu ispaniyalı Dani Kintananı heyətinə qatıb. O, İspaniyanın "Valensiya" klubunun yetirməsidir. Karyerası ərzində daha çox ispan klublarında çıxış edən Daninin ulduzu Polşanın "Yagelloniya" klubunda parlayıb. Ötən mövsüm Polşa 1-ci liqasında 15 qol vuran yarımmüdafiəçi bu mövsümün başlanğıcında Səudiyyə Ərəbistanın "Əl-Əhli" klubuna transfer olunub. Mövsüm gedişində isə Ərəbistan klubu ilə yollarını ayırıb. Belədə Dani “Qarabağ”a azad transfer kimi keçib. Bu gün tibbi baxışdan uğurlar keçən ispaniyalı ilə 3 illik müqavilə bağlanılıb.

Qeyd edək ki, FİFA-nın qaydalarına əsasən Kintana mövsüm ərzində iki klubda oynadığına görə bu mövsüm “Qarabağ”da forma geyinə bilməyəcək.